Pagkain ng Pagkaing Mainam sa Bato

Protina

Kapag ikaw ay nasa dialysis, ang iyong mga pagkaing protina ay mas mataas kumpara sa dati bago ka nagsimula ng gamutan. Ito ay dahil kapwa ang gamutang hemodialysis (HD) at peritoneal dialysis (PD) ay nagpapangyari sa iyong katawan na mabawasan ang protina. Maraming mga iba't ibang maiinam na mapagkukunan ng protina – lakip na rito ang manok, beans, baka, itlog, manok, isda, pabo, tokwa at marami pang iba. Ang pagpili ng sariwa, mataas na kalidad ng protina, ang pinakamabuting pagpipilian. Iwasan ang mga karneng 'cured' at 'deli' para limitahan ang dami ng asin na inilalagay sa iyong katawan.

Sodium

Mahalaga para sa mga pasyente ng dialysis na limitahan ang kanilang sodium sa 2,000 mg o mas mababa. Kung ikaw ay may chronic kidney disease (CKD), ang iyong mga bato ay nahihirapang balansehin ang tubig at asin sa iyong katawan. Maaari itong magdulot ng mataas na presyon ng dugo, pagkahapo, at pamamaga at maaari kang mas mauhaw. Upang maiwasan na hindi ka masyadong kumain ng asin, iwasang kainin ang mga nakapaketeng pagkain, pinroseso, de-lata o nakayelong pagkain, at mga restawran at fast foods. Ang malusog, niluto sa bahay na pagkain na nilagyan ng mga pampalasa ay mainam na panghalili kung saan kontrolado mo kung gaano karaming asin ang inilalagay mo sa iyong katawan.

Phosphorus

Ang phosphorus ay mahalaga para sa pagbuo at pagpapanatili ng malakas na buto. Kapag ang iyong mga bato ay hindi na gumagana ng maayos, maaaring mangyari na maipon o mamuo ang phosphorus. Maghahatid ito sa iyo ng peligro sa mas matinding mga problema sa buto at puso, tulad ng sakit sa puso at mga bali sa balakang.  Maraming phosphorus sa mga fast food at may lasa na inumin, pati na rin ang gatas, yogurt, keso, naprosesong karne, tsokolate, at mga mani. Pansinin kung gaano karaming mga malusog na pagkain ang mataas sa phosphorus! Ang mga pagkaing ito at inumin ay dapat na iwasan kung nais mong manatili sa loob ng iyong inirekomendang pang-araw-araw na phosphorus na 800 hanggang 1,000 mg.

Calcium

Ikaw man ay nasa  peritoneal dialysis (PD) or hemodialysis (HD), ang dami ng calcium na iyong nakukuha sa iyong pagkain ay hindi dapat lumagpas sa inirerekomendang dami kada araw na 2,000 mg. Labis na calcium sa iyong katawan ay maaaring magdala ng peligro ng vascular calcification, na siyang mga depositong mineral sa iyong ugat at arterya, at iba pang delikadong kondisyon.

Fiber

Ang pagkain ng sapat na fiber sa mga pagkaing kinakain ay mahalagang bahagi upang mapanatili ang kabuuang kalusugan ng katawan. Ang fiber ay tumutulong sa iyong katawan na pangasiwaan ang antas ng asukal sa dugo, nagbabantay sa kolesterol, at nagpapabuti ng kalusugan ng bituka. Kailangan mong kumain ng mga 20 hanggang 25 gramo ng fiber kada araw. Madali ito para sa iyo kung kumakain ka ng prutas at gulay at mga granong mababa sa phosphorus.

Tandaan na ang bawat taong sumasailalim sa dialysis ay may iba’t ibang pangangailangan sa pagkain. Makipag usap sa iyong klinika o dietician kung anong mga pagkain ang dapat at hindi dapat kainin habang nasa dialysis upang masiguro na ikaw ay kumakain ng pagkaing mainam sa bato at angkop sayo.

Calories

Kung ikaw ay nasa PD, ilan sa mga calories na makukuha ng iyong katawan ay manggagaling sa iyong dialysis solution, ang likido na ginagamit para linisin ang iyong dugo sa tuwing ginagamot. Ito ay dahil sa ang dialysis fluid ay naglalaman ng dextrose, isang uri ng asukal. Habang ikaw ay naggagamot, ang dextrose sa iyong dialysis fluids ang magbibigay sayong katawan ng kinakailangan para sa pang araw-araw na calorie, na nagpapababa sa iyong katawan na kumuha pa ng calories sa pagkain. Bilang resulta, karamihan sa mga pasyenteng nasa peritoneal dialysis (PD) ay inirerekomendang kumain ng kaunting mataas sa calorie na carbohydrates kaysa sa mga pasyente ng hemodialysis (HD).

Potassium

Ang Peritoneal dialysis (PD) ay pangkalahatang inaalis ang labis na potassium sa katawan ng mas mabisa kaysa sa hemodialysis (HD). Kung ikaw ay nasa peritoneal dialysis (PD), ikaw ay karaniwang nakakakuha sa pagitan ng 3,000 at 4,000 mg ng potassium kada araw. Ngunit kung ikaw ay ginagamot ng hemodialysis (HD), kailangan mong limitahan ang iyong potassium ng mga 2,000 mg kada araw para panatilihin ang balanse. Kung ikaw ay pasyente ng home hemodialysis (Home HD), mainam na makipag-ugnayan sa iyong pangkat ng tagapag-alaga o dietician tungkol sa antas ng potassium na iminumungkahi para sayo.

Balanse sa Likido

Isa sa pinakamahalagang galaw ng iyong bato ay ang pagpapanatiling balanse ng likido sa iyong katawan. Kapag ikaw ay merong chronic kidney disease (CKD), ang iyong bato ay hindi na nakakapag-alis ng likido tulad ng dati. Maaaring maipon ang labis na likido, na kapwa hindi maganda sa pakiramdam at masama sa iyong katawan.

Dahil mas madalang at mas maikli ang gamutan ng mga pasyente sa in-center hemodialysis (In-center HD), mas nakakaramdam sila ng mga negatibong epekto ng hindi balanseng likido kumpara sa mga pasyente sa peritoneal dialysis (PD) o home hemodialysis (Home HD).

Kung ikaw ay nasa peritoneal dialysis (PD) o home hemodialysis (Home HD), maaaring hindi magkapareho ng mga pinagbabawal na likido di-tulad kung ang isa ay nasa in-center hemodialysis (In-Center HD). Ganunpaman, inirerekomenda pa rin na manatili sa iyong inilaang dami ng likido na 4 na tasa (32 ounces) kada araw, kabilang na rin dito ang mga likido na nasa mga sitaw, kinsay, at pakwan.

Ang pagbabawas ng iyong sodium at ang maagang pagpaplano ng likido na iyong iniinom at kinakain ay makakatulong sa iyong maibaba ang pagdami ng tubig.