Pagbabyahe habang nasa Dialysis

Hindi dapat maging hadlang ang dialysis sa iyong pagbabyahe. Dito ay malalaman mo ang tungkol sa mga dapat ayusin at kailangang gawin upang maging ligtas ang gamutan kahit malayo sa bahay.

Para sa maraming pasyente ng chronic kidney disease (CKD), ang kakayahang gumalaw at bumyahe ay mahalaga para panatilihin ang pagiging independente. Maaaring kailangan mong bumyahe para sa trabaho o para sa pamilya o nais bumyahe dahil kinagigiliwan ito - at kahit na ang pagbabyahe sa dialysis ay may espesyal na pagsasaayos, maaari ka pa din bumyahe kung nanaisin.

Elderly couple with camera and luggage on travelling with dialysis

Posible Bang Bumyahe Habang Ako’y Nagda-dialysis?

Oo, posible para sa karamihan ng pasyenteng nagda-dialysis ang bumyahe at ipagpatuloy ang kanilang gamutan kahit malayo sa bahay. Maaaring hikayatin ka rin ng iyong klinika na bumyahe, kung kaya mo, dahil sa pampalakas loob na binibigay nito. Mahalaga na makipag usap sa klinika bago gumawa ng mga espesipikong plano sa pagbabyahe upang payuhan ka tungkol sa ligtas na paglalakbay at tulungan ka sa pag-aayos upang manatili pa rin sa iyong iskedyul ng gamutan habang ikaw ay malayo.

Alamin pa ang tungkol sa kung paano mananatili sa gamutan habang ikaw ay bumibyahe.

Ang mga pagsulong sa teknolohiya ay ginawang mas simple at madali ang pagbyahe mapa-eroplano man o sasakyan habang ikaw ay naka at-home hemodialysis (Home HD) o peritoneal dialysis (PD). Ang pinakamahalagang tandaan ay siguraduhing naimpake ang sapat na medikasyon para sa kabuuan ng iyong byahe, at magdagdag ng pang ilang araw din kung sakali.

Kailangan mo ring dalhin ang lahat ng iyong kakailanganin para isagawa ang iyong gamutang home hemodialysis (Home HD) habang ikaw ay malayo o asikasuhin ang mga mahahalagang kagamitan at supplies at ipadala sa iyong destinasyon ng maaga bago ka dumating. Maaari ring gumawa ng pagsasaayos sa klinika o hospital sa iyong destinasyon para isagawa ang iyong in-center hemodialysis (In-Center HD) sa kanilang pasilidad. Siguraduhin na ang iyong kumpanya ng insurance ay sasagutin ang mga gamutan sa bagong center na ito.

Ang pangkat ng iyong tagapag-alaga ay makapagsasabi sayo tungkol sa praktikalidad at gabay sa eroplano para sa pagbabyahe dala-dala ang mga kagamitang medikal at dialysis solution. Maaari mo ring alamin sa iyong airline ang tungkol dito. Tandaan rin na dalhin ang anumang impormasyong personal at medikal – lakip na rin ang iyong insurance card, iyong medikasyon at listahan ng allergy, at ang lahat ng gabay sa iyong gamutan. Gumawa ng buong talaan ng kung ano ang dadalhin mo habang ikaw ay naggagamot upang masiguro na wala kang mahalagang makakalimutan.

Kung ikaw ay pasyente ng home hemodialysis (Home HD), mahalaga na magplano ng maaga, para maisagawa ang mga paghahatid o kung ano mang mga pagbabago. Karamihan sa mga kumpanya ng dialysis ay iminumungkahi na magplano ng di-baba sa 60 araw na abiso.

Elderly couple holding map and luggage on travelling with dialysis

Posible Bang Bumyahe Habang Ako’y Nasa Transplant Waitlist?

Oo, posible ring bumyahe habang ikaw ay aktibo sa transplant waitlist.

Ganunpaman, kailangan mong abisuhan ang iyong transplant coordinator tungkol sa iyong mga plano sa pagbabyahe. Mapapayuhan ka nila tungkol sa kung maaari kang bumyahe agad pabalik para tanggapin ang kidney, kung magkakaroon man habang ikaw ay malayo. Kung hindi naman, maaari mong piliin na mailagay sa “on hold” sa panahong ikaw ay nasa byahe. Mahalaga na makakuha ng tamang impormasyon kung paano nangyayari ang prosesong ito sa espesipikong listahan kung saan ka nakatala, kaya’t maging aktibo sa paghahanap ng mga sagot bago magplanong umalis ng bahay.

Man in sunglasses and fedora hat travelling while on peritoneal dialysis

Pagbabyahe Habang nasa Peritoneal Dialysis (PD)

Dahil ang mga pasyente ng peritoneal dialysis (PD) ay karaniwang pinadadala ang kanilang mga supplies sa kanilang destinasyon, kadalasan lang nilang dala ang kanilang cycler (kung sila ay nasa Automated Peritoneal Dialysis). Ibig sabihin nito, mas madaling bumyahe sa PD kaysa sa ibang uri ng dialysis. Ganunpaman, kung ikaw ay nasa peritoneal dialysis (PD), kailangan mo pa rin magplano ng maaga kung paano mo i-iimpake at ibabyahe ang lahat ng kakailanganin mo sa gamutan, o magplano sa pagpapadala ng mga produktong panggamot.

Alamin pa ang tungkol sa kung paano maghanda para isagawa ang PD habang bumibyahe.

Kailangan mong sabihin ang iyong planong pagbabyahe sa iyong klinika upang masiguro na nasa iyo ang lahat ng supply at impormasyong iyong kailangan. Tandaan ang kompigurasyon ng solution, cycler sets, at ang mga power sources na iba-iba kada bansa, kaya’t kailangan mo ring magplano para sa bagay na ito kung ikaw ay lalabas ng bansa.

Kailangan mong siguraduhin na naimpake ang sapat na dialysis supply na aabot pa ng ilang higit na araw kaysa sa haba ng iyong pananatili kung sakaling makaranas ng delay sa pag-uwi. Maaari ring posible para sayo na ipadala ang mga supplies sa iyong destinasyon para hindi mo na ito kailangang dalhin. Kung ito ang iyong pipiliin, siguraduhin na darating ang mga supplies bago ka dumating. Kailangan mo ring magsaayos ng isang malinis at maliwanag na espasyo sa iyong destinasyon na maaari mong gamitin sa iyong gamutan.

Kung ikaw ay nasa APD at nagpaplanong umalis ng higit sa isang linggo, kailangan mong dalhin ang iyong cycler. Ang iba pang supplies na kakailanganin ay maaaring ipadala ng mas maaga.

Elderly friends enjoying their time on the beach

Pagbabyahe Habang nasa In-Center Hemodialysis (In-Center HD)

Kung ikaw ay tumatanggap ng gamutang in-center hemodialysis (In-Center HD), kailangan mo itong isaayos ng maaga upang magamot sa center na malapit sa iyong destinasyon. Karamihan sa mga centers ay sanay sa pakikipagtulungan para sa mga bumabyaheng mga pasyente, kaya’t siguraduhing tanungin ang iyong pangkat ng tagapag-alaga kung meron sa center na iyon ang makakatulong sayo.

Alamin pa ang tungkol sa kung paano magsasaayos ng in-center hemodialysis (In-Center HD) sa iyong pupuntahan.

Kung ikaw ay nagpaplanong tumanggap ng in-center HD habang ikaw ay malayo, kailangan mong magsimulang magplano ng di-baba sa 8 linggo bago ang iyong byahe. Tandaan na kailangan mong ayusin ang mga petsa ng byahe batay sa kakayahan ng mga treatment center sa lugar na iyon. Kung meron kang espesipikong oras at petsa, ipaalam sa center ng mas maaga para sa proseso ng pagsasaayos ng iyong gamutan hangga’t maaari. Maaaring mangailangan ang center ng kopya ng iyong talaang medikal ng mas maaga, kaya’t siguraduhing laging dala ito, at magdala ng kopya kapag paalis ka na para bumyahe.

Ang una mong piniling center ay maaaring walang sapat na espasyo para asikasuhin ka sa iyong pagdating. Kaya’t maging handa na makipag-ugnayan sa higit sa isang center para pataasin ang iyong tsansa na makatanggap ng gamutan sa mga petsang angkop sayo.

Kung magkakaroon ng pagkakataon, bisitahin ang center na gagamot sayo sa sandaling ikaw ay dumating sa iyong destinasyon. Makipag usap sa nars o administrador upang mas mapanatag tungkol sa iyong gamutan kahit malayo sa bahay.

Ang iyong klinika ng dialysis ay kadalasang makapagbibigay ng tulong sa pagsasagawa ng plano na angkop sayo at tutulong upang makipag-ugnayan sa mga tamang klinika sa iyong destinasyon.

Isa Ka Bang Tagapag-alaga o Meron Ka Bang Mahal Sa Buhay Na Nagda-dialysis?

Ang pagiging tagapag-alaga o may mahal sa buhay na nasa dialysis ay nangangahulugang magbabago ang buhay mo sa ilang paraan. Ang malaman kung ano ang aasahan ay makakatulong sayo sa paglalakbay na ito.

Basahin pa ang tungkol sa kung ano ang dapat asahan, paano makakatulong sa mahal sa buhay, at kung bakit mahalagang alagaan ang iyong sarili.

Alamin

Saan Sunod na Pupunta?

Elderly friends happily talking to each other about living well with dialysis

Pakikipag-usap Tungkol sa Iyong Kalagayan

Ang pagsasalita nang bukas tungkol sa iyong kalagayan ay maaaring maging isang hamon, ngunit maaaring makatulong ito sa iyo na maitaguyod ang tiwala at makuha ang pang-emosyonal at praktikal na suporta na kailangan mo upang mabuhay nang matiwasay sa dialysis.