Center Hemodialysis (Center HD)

Kada hemodialysis (HD), ang makina ng hemodialysis ay nagtatanggal ng kaunting dugo mula sa iyong katawan gamit ang karayom o catheter. Pagkatapos ay lilinisin ng dialyser ang iyong dugo, magtatanggal ng dumi, lason, at sobrang likido. Pagkatapos, ang iyong malinis na dugo ay ibabalik na sa iyong katawan. Ang Clinic-based hemodialysis (HD) ay ginagawa sa ospital o sa isang dialysis clinic sa ilalim ng pangangasiwa ng pangkat ng tagapangalaga ng klinika. Ito ang tinatawag na in-center hemodialysis (In-Center HD). Kung ikaw ay sumasailalim sa hemodialysis (HD) na gamutan sa center, karaniwang ikaw ay naka-iskedyul sa kanila 3 beses kada linggo, at bawat sesyon ay tumatagal ng 3 at 5 oras.

Sa bawat in-center hemodialysis (In-Center HD), isang miyembro ng iyong pangkat ng tagapangalaga ay magbibigay sayo ng maikling pagsusuring pisikal at titimbangin ka para malaman kung gaano karaming tubig ang kailangan tanggalin sa iyong katawan. Ang iyong lugar na iyong paggagamutan ay lilinisin, ang mga karayom sa gamutan ay ipapasok, at ang tubo na magdudugtos mula sa iyong access site patungo sa hemodialysis machine ay aayusin. Ang iyong hemodialysis (HD) ay magsisimula at ikaw ay aalagaan ng isang nars. Kapag natapos na ang iyong gamutan, ikaw ay tatanggalin na sa makina, susukatin ang presyon ng iyong dugo, at pagkatapos maaari ka ng umalis sa center.

Mabuting ideya na dumating nang maaga para sa iyong in-center hemodialysis (In-Center HD) upang magkaroon ng sapat na oras para sa paghahanda ng iyong pangkat ng tagapag-alaga. Mahusay na magsuot ng komportableng damit at magdala ng isang libro o iba pang uri ng libangan habang ginagamot ka. Habang at pagkatapos ng iyong gamutan ng hemodialysis (HD), maaari kang makaramdam ng pagod o makaranas ng hindi komportableng pulikat sa binti o pagkaduwal. Kung kaya't, karaniwan na ninanais umuwi at magpahinga pagtapos ng gamutan. Kung nakakaranas ka ng mga hindi pangkaraniwang sintomas sa panahon o pagkatapos ng iyong paggagamot, dapat kang makipag-usap sa iyong klinika tungkol sa iyong mga sintomas.

Sa usapan tungkol sa kung ano ang pakiramdam ng terapiya, dapat mong asahan na makaramdam ng kaunting sakit habang nakapasok o pinapasok ang karayom at tulad ng nabanggit dati, maaari kang makaramdam ng pagod o makaranas ng hindi komportableng pulikat o naduduwal pagkatapos ng terapiya. Ang terapiya mismo ay hindi dapat masakit.

Napakahalaga na puntahan ang lahat ng iyong sesyon sa in-center treatment, kaya't ang pagtatalakay ng iyong mga kailangan sa iyong pangkat ng tagapag-alaga ay para na rin makakita ng angkop na panahon ng gamutan para sayo at siguraduhing magiging madali sayo na manatili sa iyong gamutan. Dapat mong malaman na hindi palaging posibleng magkaroon ng in-center treatments sa eksaktong oras na iyong nais - kaya't dapat ay matutong umangkop. Palagiang makipag usap sa iyong klinika tungkol sa iyong mga pagpipilian sa gamutan, kung sakaling ang unang pagpipilian ay hindi aangkop sa iyong pamumuhay.

Alamin pa ang tungkol sa dalawang uri ng in-center hemodialysis (In-Center HD).

• Daytime in-center HD

Kung nagtatrabaho ka ng gabi, nagretiro na, o may libreng oras kapag weekday, maaaring maging madali para sa iyo na magpagamot sa maghapon. Kailangan mong punan ang 3-5 oras na gamutan 3 beses bawat linggo. Ang nars o klinika ang mangangasiwa ng iyong gamutan, kaya hindi mo kailangang gawin ito sa iyong sarili.

• Nocturnal in-center HD

Para sa ilang mga pasyente, ang nocturnal HD ay maaaring opsyon sa terapiya. Kung mahihirapan kang gawin ang iyong propesyonal o personal na responsibilidad habang tumatanggap ng daytime HD, ang nocturnal HD ang maaaring tamang terapiya para sa iyo. Ang Nocturnal HD hemodialysis ay ginagawa habang natutulog ka sa ospital o klinika. Sapagkat ito ay mas mahaba, mas mabagal na uri ng dialysis, sinasala nito ang iyong dugo sa paraan na higit na katulad ng  isang natural na bato. Dahil ang nocturnal HD ay ginagawa habang natutulog ka, maaaring mas madali ito kapag abala ka sa buong araw. Tandaan na ang nocturnal HD ay hindi ibinibigay sa lahat ng pasyente; ang iyong pangkat ng tagapag-alaga ang magsasabi kung ito ay isa sa mga pagpipilian mo.

Kung mas angkop sa iyo ang nocturnal HD o nirekomenda ito ng iyong doctor, siguraduhin lamang na pumili ng ospital o klinika na merong ganitong serbisyo. 

May tatlong iba’t ibang uri ng hemodialysis (HD) access: fistula, graft at hemodialysis (HD) catheter. Bawat isa ay may sariling kapakinabangan at limitasyon, at kailangan mo itong pag-usapan kasama ng iyong pangkat ng tagapag-alaga para malaman kung ano ang pinakaligtas at epektibong access para sayo. Karaniwan, ang fistula ang isinasaalang-alang na standard para sa karamihan ng mga dialysis center.

Fistula

• Ang fistula ang kadalasang pinakamabuting pagpipilian para sa hemodialysis (HD) dahil ginagamit nito ang sarili mong blood vessels, na nagpapahintulot ng maayos na daloy ng dugo kapag nasa terapiya, at ang may pinakamababang tsansa ng impeksyon.
• Ikokonekta ng iyong surgeon ang isa sa iyong mga arterya sa ugat sa ilalim ng iyong balat sa itaas o ibabang braso.

• Ang operasyong ito ay ginagawa mainam kung 2-3 buwang mas maaga bago ang simulang petsa ng iyong dialysis.

• Habang sumasailalim sa dialysis, ang di-malinis na dugo ay dadaloy mula sa iyong blood vessels papunta sa isang karayom, na nakakonekta sa iyong fistula, at lilinisin ang iyong dugo pabalik sa iyong katawan patungo sa ikalawang karayom na nakakabit rin sa iyong fistula.

Graft

• Para makagawa ng graft, ang iyong surgeon ay gagamit ng medikal na tubo at ikokonekta ang isa sa iyong mga arterya sa isa sa iyong mga ugat. Ang graft ay ilalagay sa ilalim ng balat o sa iyong braso o sa iyong binti.
• Habang sumasailalim sa dialysis, ang di-malinis na dugo ay dadaloy mula sa iyong blood vessels patungo sa isang karayom, konektado sa iyong graft, at ang iyong malinis na dugo ay dadaloy pabalik sa iyong katawan gamit ang pangalawang karayom, na nakakonekta rin sa iyong graft.

Catheter

• Ang mga catheter ay kadalasang panandalian  at ginagamit lamang habang ikaw ay naghihintay na makatanggap ng fistula o graft.
• Ang catheter ay inilalagay sa loob ng ugat, maaaring sa iyong leeg o dibdib. Ang kabilang dulo ng tubo ay lalabas sa iyong balat at ikakabit sa hemodialysis machine tubing. 
• Ang mga catheters ay hindi inirerekomenda ng pang matagalan dahil maaari kang ilagay nito sa panganib ng pamumuo ng dugo at impeksyon at nagbibigay ng mababang blood-flow rate.

Depende sa lakas ng iyong mga ugat at ng iyong kabuuang kalusugan, ang iyong klinika ay maaaring magpasya kung anong uri ng access ang pinaka angkop para sayo. Kung magpasya ang iyong klinika na kailangan mo ng fistula o graft, kailangan nilang i-iskedyul ang operasyon ng mas maaga kaysa sa petsa ng simula ng iyong dialysis.

Ano mang uri ng access ang iyong piliin, kailangan mong protektahan ang access site mula sa labis na presyon, mikrobio, at impeksyon. Tandaan na linisin ang iyong mga kamay bago hipuin ang access site at palagiang suriin ito kung namamaga o namumula. Kung ikaw ay naghihinala sa mga ganitong isyu, makipag-ugnayan agad sa iyong nars. Ito ay totoo para sa lahat ng uri ng gamutan sa dialysis.

Maaaring may iba pang kapakinabangan sa pagtanggap ng in-center hemodialysis (In-Center HD). Halimbawa, maaaring mas mainam para sayo na magamot sa labas ng iyong bahay, maaaring dahil sa oportunidad makalabas ng bahay, o maaaring mas hindi mo nagagambala ang pamilya at dahil maaaring mas gusto mong paghiwalayin ang buhay gamutan sa iyong buhay sa bahay.

Kahit na may kapakinabanagan ang in-center hemodialysis (In-Center HD), meron ding mga dapat isalang-alang. Isaalang-alang ang mga sumusunod bago makipag-usap sa iyong klinika kung ang in-center hemodialysis (In-Center HD) ay angkop para sayo:

• Depende kung gaano kalayo ang iyong tirahan mula sa iyong dialysis clinic, kailangan mong kalkulahin ang oras ng byahe papunta sa iyong iskedyul ng gamutan 3-4 beses kada linggo.
• Kung kailangan mo ng transportasyon galing sa ospital para makarating sa iyong mga appointment, maaaring sunduin ka nila at iba pang mga pasyente ng maaga, at maaari kang maghintay matapos ang dialysis para makauwi.
• Ang mga karayom ay ipinapasok kada gamutan, kung saan maaaring makabalisa sayo kung ikaw ay takot sa karayom.
• Habang at pagkatapos ng iyong hemodialysis (HD) treatments, maaaring makaramdam ka ng pagod o nasusuka.
• Maaaring maging mahirap sayo na planuhin ang araw-araw na iskedyul kasabay ng iyong sesyon sa in-center treatment.