Pag-aalaga sa Taong Nagda-dialysis

Karaniwan Lamang na Makaramdam ng Kabigatan

Sa umpisa, ang dialysis ay nagdadala ng maraming pagbabago sa iyong buhay, at maaaring may mga araw na parang labis na. Bilang resulta, ang pag-aangkop ng iyong pamumuhay para alagaan ang taong nagda-dialysis ay maaaring magparamdam sayo ng kabigatan. Aminin at pag-usapan ang mga mahihirap na aspeto ng iyong papel kasama ng taong iyong inaalagaan, kanilang pangkat ng tagapag-alaga at sa mga taong malapit sayo. Ang mga caregiver support networks ay maaari ring mapagkunan ng tulong para sayo, habang nakikipag-ugnayan sa iba na nakakaranas din ng mga katulad na hamon.

Ang Pagpaplano at Pag-iiskedyul Ang Susi

Merong iba’t ibang uri ng terapiya ng dialysis, na maaari mong mabasa rito. May isang bagay na ang lahat ay meron ay ang kahalagahan ng pagsunod sa iskedyul ng gamutan. Para sa ilang mga terapiya ng dialysis, tulad ng in-center hemodialysis (In-Center HD), ang pagsunod sa set dialysis schedule ay napakahalaga. Para sa home hemodialysis (Home HD) at peritoneal dialysis (PD), kadalasang mas may kalayaan sa kung kailan at paano ka maggagamot. Kaya’t mainam na ideya na habang maaga pa ay makabisado mo na ang iskedyul at siguraduhing sinusunod ito. Siguraduhing makipag usap sa iyong pangkat ng tagapag-alaga kung ang naka iskedyul na gamutan ay bahagi ng iyong kidney journey.

Pag Unawa sa Iyong Bagong Normal

Kahit na magbabago ang mga bagay sa iyong buhay, ang buhay ay hindi dapat huminto dahil sa diagnosis. Sa katunayan, posible na mabuhay ng malapit sa nakasanayan mo. Ngunit ang dialysis ay mangangailangan ng mga pagbabago sa pamumuhay para sa iyo at sa taong inaalagaan mo. Maaaring kasama dito ang mga pagbabago sa diyeta, ehersisyo, pagbabyahe at potensyal na buhay-trabaho depende sa uri ng terapiya ng dialysis. Maaari kang magbasa rito nang higit pa tungkol sa epekto ng dialysis na maaaring mangyari sa pang araw-araw na buhay.

Matuto Ng Bagong Wika

Kapag ang taong inaalagaan mo ay nagsisimula ng peritoneal dialysis, maririnig mo ang maraming mga bagong salita at parirala. Isa sa pinakamahalaga ay ang "peritoneum." Ang peritoneum ay tumutukoy sa bahagi ng iyong tiyan na ginagamit bilang isang natural na pansala na ginagaya ang mga kakayahan ng isang bato sa peritoneal dialysis. Ito ay isa lamang sa maraming mga parirala na marahil ay maririnig mo kasama ang exchange, cycler, catheter, at marami pang iba na mga terminolohiya. Ang pag-aaral ng mga ito ay maaaring makatulong sa iyong maramdaman na may kontrol ka. Hindi ka dapat mag-atubiling tanungin ang pangkat ng tagapag-alaga kung merong anumang kailangang ipaliwanag pa.

Mga Pagbabago sa Tahanan

Ang peritoneal dialysis ay nangangailangan ng maraming iba't ibang mga bagay na kailangang iimbak sa bahay, halimbawa ay mga fluid bag. Kakailanganin mong gumawa ng sapat na espasyo para sa mga ito sa isang malinis at tuyong lugar. Kakailanganin mo ring madalas na mapunan ang mga ito. Ang pagpaplano para sa kung paano at saan iimbak ang mga ito, at ang paglalagay ng espasyo para sa mga supply, ay maaaring maging kapaki-pakinabang sa iyong paghahanda bilang isang tagapag-alaga.

Pagtulog at Mga Bagong Gawain Sa Tabi ng Kama

Ang mga palitan ng peritoneal dialysis ay maaaring maganap sa gabi, na may isang dialysis machine sa tabi ng iyong kama. Ang pag-set up at ang dialysis machine ay magbubukas ng ilang mga ilaw at gagawa ng ingay, at posible na mapansin mo ang mga bagay na ito habang natutulog ka. Maaaring tumagal ng ilang oras para masanay, ngunit masasanay ka sa paglipas ng panahon. Kung maaari, dumalo sa isang sesyon ng pagsasanay kung saan makikita mo (at maririnig) ang proseso upang sanayin ang iyong sarili sa mga bagong gawain.

Ang Kahalagahan ng Kalinisan

Ang peritoneal dialysis ay nangangailangan ng catheter upang punan at alisin ang likido na lumilinis sa dugo (dialysate) sa bawat palitan. Mahalaga na ang exit site at ang catheter ay manatiling malinis. Isang magandang ideya na lumahok ka sa mga pagkonsulta, upang maibahagi mo ang responsibilidad na mapanatili ang isang mataas na antas ng kalinisan at maunawaan kung ano ang kailangang gawin upang mapanatili ang isang malusog na exit site.

Pagpapanatiling Aktibo sa Sarili

Tulad ng iba, ang mga tao na nagdadialysis ay nakakaramdam ng mas mabuti sa pamamagitan ng pananatiling aktibo. Maaari kayong lumahok sa maraming mga aktibidad ng magkasama at dapat mong hikayatin ang taong inaalagaan mo na magpatuloy sa kanilang trabaho at libangan. Tandaan lang na kailangan mong palaging makipag-usap sa kanilang doktor upang matiyak na ang aktibidad na ito ay angkop para sa kanila.

Ayos Lang Na Magkaroon ng Oras para sa “Sarili”

Ang pagtulong sa kanilang kidney journey ay maaaring maging hamon sa inyo kapwa sa emosyonal at pisikal. Ang paglabas sa bahay at paggugol ng oras kasama ang iba ay isang mainam na paraan para magpahinga, pagkukwento sa iyong nararamdaman at pagpapanatili na palaging maging positibo. Maaari mo ring tingnan kung ang pagiging bahagi ng caregiver network ay para sayo. Siguraduhin na hanapin ang tamang balanse para sayo.

Papunta at Pabalik Mula sa Klinika

Dahil sa maaaring ang taong iyong inaalagaan ay pagod na o hindi na kayang magmaneho papunta at pabalik mula sa klinika, maaaring ikaw ang magdala sa kanila. Makakatulong na maaga palang maghanda para ipagmaneho sila sa kanilang araw ng gamutan o mag-organisa ng paraan para makarating sila sa kanilang mga gamutan. Para sa mga pasyenteng gumagamit ng hospital transport, ito ay maaaring mangahulugan na sila ay susunduin hanggang sa dalawang oras bago ang kanilang dialysis at maghihintay ng sasakyan pagkatapos upang makauwi sa bahay.

Isang Bago at Pribadong Aspeto sa Kanilang Buhay

Ang taong iyong inaalagaan ay gugugol ng maraming oras sa kanilang dialysis center at makakagawa ng mga bagong ugnayan sa mga tao sa kanilang klinika. Ibig sabihin na magkakaroon sila ng malaking bahagi sa kanilang buhay kung saan hindi ka kabilang. Maaaring maramdamang na-balewala ang iyong papel at ito ay karaniwan; makakatulong na sabihin ang iyong damdamin sa kanila at sa mga taong malapit sa iyo.

Mas Maraming Oras Para sa Iyong Sarili

Dahil sa ang taong iyong inaalagaan ay gugugol ng maraming oras sa klinika, maaari mong gamitin ang oras na ito para sa iyong sarili. Ito man ay ang gawin ang mga gawaing bahay, pagiging aktibo o paggugol ng oras kasama ang mga kaibigan, gamitin ang oras na ito kung saan ikaw ay masaya. Isa ito sa mga pangunahing pagkakaiba ng in-center hemodialysis kumpara sa home dialysis.

Magtanong ng Maraming Tanong Kung Nais

Sa simula, maaaring kakailanganin mong gumawa ng maraming desisyon at maraming bagong impormasyon kailangang isipin. Karaniwan lang na magtanong o kung nalilito. Ang pangkat ng tagapagalaga sa klinika ay dapat tulungan kang sagutin ang mga ito. Tandaan na sa paglipas ng panahon, ang dialysis ay makakasanayan at magiging pamilyar.

Maging Mata at Tenga sa Bahay

Mahalaga na pansinin ang lahat ng detalye sa kung anong nangyayari sa buhay ng taong iyong inaalagaan para matulungan sila sa pakikipag-usap sa kanyang doktor. Tulad ng;

• Iba pang sintomas tulad ng lagnat o sinat
• Pagkakaiba ng tulog
• Pagkakaiba sa mood o pag-uugali
• Mga limitasyon na iyong nakikita sa kanilang mga gawain
• Anu pa mang katanungan mula sayo o sa taong inaalagaan

Para sa iba, makakatulong na magkaroon ng talaan ng mga pagbabago para masigurong naisusulat ang mga mahahalagang detalye. Makakatulong din ito sayong makayanan ang mga pagbabago.