Iba Pang Mga Pagpipilian sa Paggagamot

Minsan, ang kidney transplant ay maaaring opsyon sa paggagamot. Para sa iba, ang supportive care na walang dialysis ay maaari ring angkop na piliin.

Ano ang Kidney Transplant?

Ang kidney transplant ay isang operasyon na kung saan ang malusog na kidney mula sa isang donor ay ilalagay sa iyong katawan. Ang bagong kidney na ito ay sasala sa iyong dugo at mag-aalis ng labis na likido sa paraang ginagawa ng iyong dalawang kidney nung malusog pa ito.

Ang matagumpay na kidney transplant ay ang pinaka-epektibong paggagamot para sa chronic kidney disease (CKD), dahil ito na ang pinakamalapit na alternatibo para sa iyong mga bato na gumana ng maayos. Ngunit, hindi lahat ng pasyente ay angkop na kandidato para sa kidney transplant. Kung kaya’t, ang opsyon na ito ay dapat pag-usapan kasama ng iyong klinika.

Ang inilipat na bato mula sa isang yumao na donor ay kadalasang nagtatagal ng 12 taon.¹ Ang inilipat na bato mula sa buhay na donor ay kadalasang nagtatagal ng 15 taon.² Ang ilang mga pasyente ng chronic kidney disease (CKD) ay maaaring mangailangan ng higit sa isang kidney transplant sa kanilang buong buhay.

Ano ang Kinakailangan sa Kidney Transplant?

Ang tagumpay ng isang kidney transplant ay nakadepende sa iba’t ibang bagay. Kung ang iyong kabuuang kalusugan ay maayos, maaaring magpasya ang iyong klinika na angkop kang kandidato para sa kidney transplant at ilalagay ka sa listahan ng mga naghihintay, o alamin kung sino ang mga maaaring maging potensyal na buhay na donor, katulad ng mga myembro ng pamilya.

Matuto pa tungkol sa kahalagaan ng tamang oras at angkop na donor para sa ikatatagumpay ng operasyon ng kidney transplant.

Ang tamang oras ay napakahalaga sa ikatatagumpay ng kidney transplant. Kung ikaw ay sasailalim sa kidney transplant operation, mainam na gawin ito ng mas maaga hangga't maaari. Mas mabuti na maisagawa ang iyong kidney transplant bago pa lumala ang iyong chronic kidney disease (CKD) at mangailangan ng dialysis. Ang karaniwang hintayan para sa kidney transplant ay mula 3 at 5 taon at ito ay maaaring maging mahirap. Kung hindi ka makakakuha ng kidney transplant bago ka magsimulang magdialysis, siguraduhin na pumili ng uri ng dialysis na angkop sa iyong kalusugan at uri ng pamumuhay na maaaring gawin nitong mas madali na manatili sa iyong paraan ng paggagamot.

Para magtagumpay ang iyong kidney transplant, ang malusog na bato ay kailangang manggaling sa isang donor na ang dugo at uri ng mga tissue ay katugma ng sa iyo. Maigi rin kung ang mga katangiang genetiko ng donor ay katulad ng sa iyo. May dalawang uri ng donasyon sa bato:

Donasyon mula sa Buhay

Ang isang malusog na kidney ay maaaring operahan at alisin mula sa isang buhay na donor at ilipat sayo. Ang buhay na donor ay maaaring iyong kamag-anak, kaibigan, asawa, o sinumang nais na magbigay at may katulad na tissue at dugo na tugma sayo. Kahit ikaw man ay makakita ng buhay na donor, iminumungkahi pa rin ng iyong klinika na magparehistro sa listahan ng mga naghihintay ng kidney transplant.

Donasyon mula sa Yumao

Kung hindi ka makakuha ng donasyon mula sa buhay na kidney donor, kailangan mong ilista ang iyong sarili sa hintayan upang makatanggap mula sa yumaong donor ng kidney. Ang iyong klinika ang tutulong sayong gabayan ka sa buong proseso. Karamihan ng mga bansa ay may sentralisadong organisasyon na nangangasiwa ng prosesong ito at tumutulong sa mga pasyente na malaman ang sistema.

Doctor explaining the success rate behind Kidney Transplant

Gaano ba Nagiging Matagumpay ang Kidney Transplant?

Ang sucess rate matapos ang kidney transplant mula sa isang buhay na donor ay iniulat ng National Organ Procurement and Transplantation Network na nasa 97% isang (1) taon matapos ang operasyon at 86% limang (5) taon matapos ang operasyon. Katulad rin, ang success rate ng kidney transplant mula sa yumaong donor ay iniulat na 96% isang (1) taon matapos ang operasyon at 79% limang (5) taong makalipas.

Mga Sanggunian:

National Kidney Federation. How long does a transplant last? 2000.

https://www.kidney.org.uk/organ-donation/medical-info-transplant-txwhat/medical-info-transplant-txsurvival/

Alamin pa kung ano ang dapat asahan matapos ang operasyon ng kidney transplant.

Matapos mong matanggap ang kidney transplant, ikaw ay maaaring manatili sa ospital ng ilang araw hanggang sa gumaling. Sa kabuuan ng iyong pagpapagaling mula sa kidney transplant, asahan mong magkakaroon ng pamamaga sa tahi at sa kabuuan ng iyong tiyan. Ang estado ng iyong kidney transplant ay susuriing mabuti ng iyong healthcare team. Maaari kang bigyan ng immunosuppressants upang pigilan ang iyong immune system na tukuying “foreign object” at posibleng palagiang tanggihan ang inilipat na bato. Kailangan mo ring uminom ng mga medikasyon upang pababain ang panganib ng impeksyon at iba pang komplikasyon matapos ang operasyon. Maaaring inumin ang mga medikasyon na ito habang nasa iyo ang inilipat na bato at hindi lamang habang ikaw ay nagpapagaling mula sa kidney transplant.

Chinese couple walking in a park discussing the benefits of kidney tranplant

Benefits ng Kidney Transplant

Ang isang matagumpay na kidney transplant ay maaaring makatulong na mabuhay ng mas matagal at mamuhay ng may kaledad kaysa nung ikaw ay nagda-dialysis. Hindi mo na kailangan magkaroon ng gamutan sa dialysis o pigilan ang iyong pagkain katulad ng dati. Ganunpaman, ang buhay matapos ang kidney transplant ay maaaring maging mahirap. Ang pagpapagaling matapos ang kidney transplant ay maaaring mangailangan ng immunosuppressant therapy, na maaaring magtagal bago ka masanay at nangangailangan ng maraming mga pagbisita sa ospital.

Ang kidney transplant ay maaari ding may kaakibat na peligro.

Alamin pa ang tungkol sa mga potensyal na panganib at side effects ng operasyon ng kidney transplant.

Kahit na ang kidney transplant ay maaaring ang pinaka-epektibong paraan sa paggagamot ng chronic kidney disease (CKD), merong mga panganib. Tulad ng ano mang operasyon, ang iyong katawan ay maaaring mahirapan sa pagpapagaling at maaaring makaranas ng mga sumusunod na komplikasyon, kasama ang:

Maaaring tanggihan ng iyong katawan ang bagong organ, at kakailanganing uminom ng medikasyon upang pigilan itong mangyari.
Ang iyong bato ay maaaring hindi gumana ng maayos sa simula. Maaari ka pa ring manatili sa dialysis hangga’t gumana na ang iyong bagong bato.
Maaaring huminto agad ang iyong bato (ito ay bihira), o anumang oras matapos ng iyong transplant. Kailangang ikaw ay handa sa pisikal at kaisipan na tumanggap ng bagong transplant o magsimula ng dialysis kung ito’y mangyayari.

Siguraduhing makipag-usap sa iyong klinika tungkol sa mga potensyal na panganib ng operasyon ng kidney transplant.

Konserbatibong Pangangalaga

Kung ikaw at ang iyong klinika ay nagpasya na hindi ang dialysis o ang kidney transplant ang angkop para sayo, maaari mong kunin ang konserbatibong pangangalaga. Bagkus, magtutuon sila sa pagkontrol ng iyong mga sintomas at pagbibigay sayo ng pinakamahusay na posibleng kalidad ng buhay. Ang konserbatibong pangangalaga ay hindi paggagamot, ito ay paraan upang gawing komportable ka sa iyong buhay na may chronic kidney disease (CKD). Kapag iyong pinili ang konserbatibong pangangalaga, ang iyong pangkat ng tagapag-alaga ay tutulong sayong gumawa ng plano na tutugma sa iyong pangangailangang pisikal, emosyonal at uri ng pamumuhay.